7 Oktyabr 2022

VERGİLƏR

SOSİAL-İQTİSADİ ONLAYN QƏZET

Bolqarıstan iş adamları Azərbaycanda birgə müəssisələr açmaqda maraqlıdırlar

Hazırda Azərbaycanda Bolqarıstan kapitallı 11 şirkət fəaliyyət göstərir. Bu fikirləri İqtisadiyyat naziri Şahin Mustafayev Bolqarıstanın Azərbaycandakı səfiri Nikolay Yankovla görüşü zamanı deyib. Nazir bildirib ki, iqtisadi əlaqələrin genişləndirilməsi üçün ölkələr arasında enerji, sənaye, kənd təsərrüfatı, nəqliyyat-tranzit, əczaçılıq, ticarət, turizm, humanitar və s. sahələrdə əməkdaşlıq üçün geniş imkanlar mövcuddur və Bolqarıstan sahibkarları Azərbaycandakı sənaye parklarında tətbiq olunan güzəştlərdən yararlana bilərlər.

Qeyd olunub ki, ölkələr arasında möhkəm müqavilə-hüquq bazası yaradılıb, investisiyaların qorunması, ikiqat vergitutmanın aradan qaldırılması, nəqliyyat, gömrük, turizm və digər sahələrdə 80-dən çox sənəd imzalanıb. 2015-ci ildə imzalanan Azərbaycan və Bolqarıstan arasında strateji tərəfdaşlıq haqqında Birgə Bəyannamə iki ölkə arasında əməkdaşlığın genişlənməsində xüsusi önəm kəsb edir. Ş.Mustafayev Azərbaycanın nəqliyyat-tranzit imkanları barədə məlumat verib və ölkə ərazisindən keçən beynəlxalq nəqliyyat dəhlizlərinin Bolqarıstanla bu sahədə əməkdaşlığı daha da inkişaf etdirə biləcəyini diqqətə çatdırıb.

Öz növbəsində, səfir N.Yankov ölkəsinin Azərbaycanla əlaqələrin inkişafına önəm verdiyini vurğulayaraq qeyd edib ki, Bolqarıstan iş adamları Azərbaycanda fəaliyyət göstərməkdə və birgə müəssisələrin açılmasında maraqlıdırlar.

Vergi2022-2023-cü illər üzrə Yol Xəritəsi vergi sistemində biznes üçün əhəmiyyətli yeniliklər vəd edir Ekspert RəyiŞadlıq saraylarının hansı xərcləri gəlirdən çıxıla bilər? VergiƏDV məbləği hansı halda malların və ya xidmətlərin dəyərinə əlavə edilir? İqtisadiyyatVüqar Bayramov: "Avropanın enerji təhlükəsizliyinin formalaşmasına töhfəmiz genişlənməkdədir" İqtisadiyyatMaksim Reşetnikov: "Azərbaycan Rusiyanın ənənəvi tərəfdaşıdır" VergiVergi sisteminin qiymətləndirilməsi 3 əsas altindikator üzrə aparılacaq VergiHesabat dövründə sahibkarlıq fəaliyyəti olmayan vergi ödəyicisi nə etməlidir? VergiVergi Məcəlləsində dəyişikliklər Alman-Azərbaycan Xarici Ticarət Palatasında müzakirə edilib İqtisadiyyatRüfət Quliyev: IGB çox mühüm strateji layihədir İqtisadiyyatBu ilin 9 ayında Azərbaycan nefti 11 faizdən çox bahalaşıb