Rusiya Federasiyasının dövlət başçısı Vladimir Putin iyun ayında keçirilmiş vətəndaşlarla birbaşa xətt görüşünün nəticəsi olaraq, hökumətə qanunvericilikdə sosial infrastruktur inşaatı ilə məşğul olan şirkətlərə aid hüquqi şərtlərin dəyişdirilməsi, mənfəət vergisi üzrə vergi bazasının azaldılması barədə dəyişiklik etməyi tapşırıb. Bundan əlavə, ölkə Prezidenti hökumətə avqustun 1-dək sosial infrastruktura aid mənzil tikintisi üçün nəzərdə tutulmuş torpaq sahəsinin ayrılması ilə bağlı da qanunvericilikdə dəyişiklik etmək barədə göstəriş verib.