Avropa İttifaqı ilə Vyetnam arasında ticarət sazişi imzalanacaq

İyun ayının 30-a Avropa İttifaqı (Aİ) Vyetnam ilə ticarət sazişi imzalamağı planlaşdırıb. Aİ Şurası, Aİ və Vyetnam arasında "Sərbəst ticarət sazişi"nin imzalanması ilə başqa bir sənədin - "İnvestisiyaların qorunması haqqında saziş"in də imzalanmasına yol açılır və hər iki sənəd eyni gündə Vyetnamın paytaxtı Hanoy şəhərində imzalanacaq. Aİ ilə Vyetnam arasında ticarət və investisiyanın qorunması sazişlərinin imzalanması ilə bağlı müzakirələr 2012-ci ildə başlanmış və 2015-ci ildə tamamlanmışdı. Bu sazişlərin imzalanması ilə gömrük vergilərinin 99 faizi ləğv ediləcək. Vergilərin ləğv edilmə müddəti isə malın kateqoriyalarına görə 10 ilə qədər olacaq.

95 milyona yaxın əhalisi olan Vyetnam ilə Aİ arasında hər il 50 milyard avro məbləğində mal və 4 milyard məbləğində xidmət ticarəti həyata keçirilir. Vyetnam Aİ ölkələrinə rabitə cihazları, geyim və qida məhsulları satır, Aİ ölkələrindən isə texnika, nəqliyyat vasitələri, kimya və kənd təsərrüfatı məhsulları alır.