Keçən il Qazaxıstan iqtisadiyyatına 28 milyard dollar birbaşa xarici investisiya cəlb olunub
2022-ci ildə Qazaxıstan iqtisadiyyatına birbaşa xarici investisiya axını 28 milyard dollar təşkil edib ki, bu da son 10 ilin ən yüksək göstəricisidir. Bu barədə Respublika Xarici İşlər Nazirliyinin mətbuat xidmətindən açıqlama verilib.
"2022-ci ilin yekunlarına görə, Qazaxıstana birbaşa xarici investisiyaların ümumi həcmi 2021-ci illə müqayisədə (23,8 milyard dollar) 17,7% çoxdur", - aşıqlamada bildirilib. İl ərzində ölkənin qitisadiyyatına Hollandiya 8,3 milyard dollar, ABŞ - 5,1 milyard dollar, İsveçrə - 2,8 milyard dollar, Belçika - 1,6 milyard dollar, Rusiya - 1,5 milyard dollar, Cənubi Koreya - 1,5 milyard dollar, Çin - 1,4 milyard dollar, Fransa - 770 milyon dollar, Böyük Britaniya - 661 milyon dollar və Almaniya - 469,5 milyon dollar sərmayə qoyub. Ən çox investisiya axını mədənçıxarma sənayesinə (12,1 milyard dollar), emal sənayesinə (5,6 milyard dollar), topdan və pərakəndə ticarətə (5,1 milyard dollar), peşə, elmi və texniki fəaliyyətə (1,2 milyard dollar), nəqliyyat və anbar təsərrüfatına (1,2 milyard dollar) yönəldilib.
