Prezident Şavkat Mirziyoyevin imzaladığı "Bərpa olunan enerji mənbələrindən istifadə haqqında" Qanunda bu sahədə çalışan müəssisəsələr üçün vergi güzəştləri müəyyənləşdirilib. Qanunda istehlakçılar üçün də bəzi güzəştlər nəzərdə tutulub. 

Qurğuların istehsalçıları dövlət qeydiyyatına alındıqları gündən beş il müddətinə vergilərin bütün növlərindən azad ediliblər, "yaşıl" enerji istehlakçıları isə hər cür mövcud enerji mənbələrindən tam ayrılmaq şərti ilə üç il müddətinə torpaq vergisindən və fiziki şəxslərin gəlir vergisindən azad olunublar. Sənədə əsasən, bərpa olunan enerji dedikdə günəş, külək, yerdən çıxan istilik (geotermal), su axınlarının təbii hərəkəti, bioloji kütlələr kimi mənbələr nəzərdə tutulur. Bundan əvvəl energetika nazirinin müavini bildirmişdi ki, 2030-cu ilə qədər Özbəkistanda 25 günəş elektrik stansiyası fəaliyyət göstərəcək.