29 Mart 2024

VERGİLƏR

SOSİAL-İQTİSADİ ONLAYN QƏZET

Kriptovalyuta birjasının rəhbərləri həbs edilib

“Europol”un koordinasiyası ilə həyata keçirilən “çirkli pulların yuyulması” əməliyyatında “Bitzlato” kriptovalyuta birjasının yüksək səviyyəli rəhbərləri də daxil olmaqla 5 nəfər saxlanılıb. Ümumi dəyəri 50 milyon avro olan 100-dən çox kripto hesabı isə dondurulub.

Avropa Polis Xidmətindən (“Europol”) verilən yazılı açıqlamada Honq-Konqda qeydiyyatdan keçmiş “Bitzlato” kriptovalyuta birjasının qanunsuz vəsaitləri Rusiya rubluna çevirərək çirkli pulların yuyulmasına şərait yaratdığı bildirilib.

Açıqlamada Belçika, Portuqaliya, İspaniya, Hollandiya və Cənubi Kipr təhlükəsizlik orqanlarının dəstəyi ilə ABŞ və Fransa polislərinin həyata keçirdiyi əməliyyatda “Bitzlato”nun rəhbərinin ABŞ-da, icraçı direktorunun, maliyyə direktorunun və marketinq direktorunun İspaniyada, daha bir yüksək vəzifəli rəhbərinin isə Cənubi Kiprdə saxlanıldığı bildirilib.

Açıqlamada qeyd edilib ki, əməliyyat çərçivəsində 18 milyon avro dəyərində aktivə həbs qoyulub, ümumilikdə 50 milyon avro dəyərində 100-dən çox kriptovalyuta hesabı dondurulub.

Açıqlamada “Bitzlato” üzərindən aparılmış 2,1 milyard avroluq əməliyyatların 46 faizinin qeyri-qanuni vəsaitlərlə həyata keçirildiyi vurğulanıb.

Göstərilib ki, əsasən kiber fırıldaqçılıq, çirkli pulların yuyulması, təhrikedici proqramlar və uşaq istismarı cinayətlərindən əldə edilən qeyri-qanuni vəsaitlərin həcmi təxminən 1 milyard avro təşkil edir. Bundan əlavə, “Bitzlato”nun Fransada qeydiyyatdan keçmiş bir şirkətdən icarəyə götürdüyü internet saytı da bağlanılıb.

Vergiİtirilmiş istifadəçi kodu, parol və şifrənin bərpası hansı qaydada mümkündür? VergiYaşayış binalarındakı mənzillər vergitutma obyekti sayılırmı? İqtisadiyyatEldəniz Əmirov: “Dövlət zəmanəti ilə verilən kreditlər daha etibarlıdır” VergiFaizsiz borclar hansı formada vergiyə cəlb olunur? VergiHansı halda əyləncə və yemək xərcləri gəlirdən çıxıla bilər? İqtisadiyyatXalid Kərimli: “Daxildə emal prosedurunun tətbiqində məqsəd ixracın stimullaşdırılmasıdır” İqtisadiyyatPərviz Heydərov: “Daxildə emal proseduru ixracın xüsusi çəkisinin artmasına səbəb olacaq” İqtisadiyyatEyyub Kərimli: “Rəqabət Məcəlləsi iqtisadiyyat üçün yeni imkanlar yaradacaq” VergiQeyri-neft sektorunun özəl bölməsində əmək müqavilələrinin sayı 898 minə çatıb VergiAktiv ƏDV ödəyicilərinin sayı 14,4 faiz artıb