Hindistanın Maliyyə Kəşfiyyatı İdarəsi Cənubi Koreyanın “Samsung Electronics” şirkətinin yerli törəmə şirkətini məhsulların təsnifatını yanlış aparmalqa 17,28 milyard rupi (212 milyon ABŞ dolları) həcmində idxal rüsumlarını dövlət büdcəsinə ödəməməkdə günahlandırıb.

“Economic Times” agentliyinin məlumatına görə, “Samsung India Electronics Ltd” şəbəkə cihazlarını - radio modullarını səhv təsnif edərək böyük məbləğdə gömrük rüsumlarını ödəməkdən yayınıb.
Kəşfiyyat idarəsi “Samsung India” və “PricewaterhouseCoopers” Pvt Ltd” (PwC) şirkətlərinə bildiriş göndərərək onlardan avadanlığın təsnifatının əsaslandırılmasını tələb edib.