8 Fevral 2023

VERGİLƏR

SOSİAL-İQTİSADİ ONLAYN QƏZET

Britaniya xəzinəsi vergi təhqiqatlarının azalmasına görə 11 milyard dollar itirib

Britaniya xəzinəsinə daxilolmalar 2021-2022-ci maliyyə ilində (martda başa çatıb) mümkün vergi pozuntuları ilə bağlı təhqiqatların sayının kəskin azalması ucbatından 9 milyard funt-sterlinq (təxminən 11 milyard dollar) azalıb. Bu məlumatı Böyük Britaniya Milli Audit İdarəsinin (NAO) hesabatına istinadən “Financial Times“ qəzeti yayıb.

Məlumatda bildirilir ki, Vergilər və Gömrük Ödənişləri Departamenti (HMRC) 2019-2020-ci illərdə 700 işə baxdığı halda, ötən maliyyə ilində 163 işə baxıb. 2021-2022-ci illərdə HMRC tərəfindən toplanan vergilərin ümumi məbləği 731,1 milyard funt sterlinq təşkil edib ki, bu da əvvəlki illə müqayisədə 9 milyard funt-sterlinq (təxminən 11 milyard dollar) azdır. Nəzarət orqanının sənədində o da göstərilib ki, HMRC-nin vəzifələri birbaşa vergi yığmaq olan 1.350 əməkdaşı (işçilərin təxminən 12%-i) COVID-19 pandemiyası zamanı əhaliyə dəstək üçün dövlət proqramlarının həyata keçirilməsinə cəlb olunub.

NAO-nun rəhbəri Qaret Deyvisin sözlərinə görə, vergi işçilərinin başqa strukturlara keçirilməsi “departamentin vergi təhqiqatları ilə məşğul olmaq qabiliyyətinə birbaşa təsir göstərir. Nəticədə əhəmiyyətli sayda insan vergi ödəməkdən və ya təqibdən yayınır”.

Britaniya parlamentinin İcmalar Palatasının Dövlət Xərclərinə Nəzarət Komitəsinin sədri Meqan Hillier qeyd edib ki, HMRC "kifayət qədər resurslar ayırmaqla və fəaliyyətin səmərəlilik meyarlarını yüksəltməklə vergi qanuvericiliyinə əməl olunmasını təmin etmək üzərində işi gücləndirməlidir".

VergiNağdsız qaydada alınmış mənzilə görə ƏDV-nin bir hissəsi hansı şərtlərlə qaytarılır? VergiMüəssisəyə məxsus əmlakın üçüncü şəxsə bağışlanması zamanı hansı vergi öhdəliyi yaranır? MüsahibələrKayl İnan: “Azərbaycanda müxtəlif sektorlarda 200-dən çox ABŞ şirkəti təmsil olunur” MÜSAHİBƏ SosialƏmək məzuniyyəti dövrü bayram günlərinə düşən işçinin məzuniyyətinin rəsmiləşdirilməsi İqtisadiyyatRossen Hristov: “Bolqarıstan və Azərbaycan Avropanın enerji təhlükəsizliyini təmin edən tərəfdaşlardır” VergiVergi qanunvericiliyində məşğulluq və əmlak deyəndə nə nəzərdə tutulur? VergiFəaliyyəti olmayan vergi ödəyiciləri maliyyə sanksiyasından azad edilib İqtisadiyyatViktor Orban: "Azərbaycanın Avropaya enerji nəqlinə sadiqliyini çox yüksək qiymətləndiririk" İqtisadiyyatPrezident İlham Əliyev: “Biz Qarabağ bölgəsində yenidənqurma işlərində macar şirkətlərini görməyi ümid edirik” VergiSatış məqsədilə alınan əmlak əsas vəsaitlər kateqoriyasına aid edilirmi?