2 Fevral 2023

VERGİLƏR

SOSİAL-İQTİSADİ ONLAYN QƏZET

Trampın ailəsinə məxsus şirkət vergidən yayınmaqda təqsirli bilinib

ABŞ-ın sabiq prezidenti Donald Trampın ailəsinə məxsus daşınmaz əmlak şirkəti vergi cinayətləri törətməkdə ittiham olunduğu məhkəmə prosesində təqsirli bilinib.

BBC agentliyinin yaydığı xəbərdə bildirilir ki, “Trump Organization” adlı şirkət haqqında bu qərar Nyu York məhkəməsində iki gün davam edən müşavirədən sonra qəbul edilib.

Şirkət sabiq prezidentin soyadını daşısa da, Donald Trampın özü və ailə üzvləri bu işdə fərdi qaydada mühakimə olunmayıb. İddia birbaşa şirkətə qarşı qaldırılıb.

Donald Tramp qərarla bağlı ali məhkəməyə müraciət edəcəyini deyib: “Bir daha məyus oldum, bu, cadugər ovudur”.

Xatırladaq ki, “Trump Organization” şirkəti 10 ildən artıqdır yüksək vəzifəli şəxsləri qanunsuz zənginləşdirməkdə təqsirli bilinir. İddiaya görə, şirkətdə çalışan yüksək vəzifəli şəxslərə dəbdəbəli nəqliyyat vasitələri almaq, onların uşaqları üçün xüsusi məktəb avtomobillərindən istifadə etmək kimi vergi tutulmayan imtiyazlar verilib. Bununla belə, ittihamçılar bildiriblər ki, şirkətin nizamnaməsində aşağı gəlirli işçilərin əməkhaqqının azaldılmasını kompensasiya etmək üçün əlavə müavinətlər nəzərdə tutulduğuna görə vergi güzəştlərindən istifadə olunub.

Məhkəmə qərarı nəticəsində şirkətin 1,6 milyon dollar həcmində cərimə ödəyəcəyi, gələcəkdə kredit almaq və ya investisiyaları maliyyələşdirməkdə çətinlik çəkəcəyi gözlənilir.

D.Tramp daha əvvəl də bu işə “siyasi motivli olduğuna görə” etirazını bildirmişdi. O həmçinin uzun illər şirkətin maliyyə idarəsində çalışan Allen Vayselberqi məhkəmə ilə əməkdaşlıq etdiyinə və avqust ayında vergidən yayındığını etiraf edərək şirkət əleyhinə ifadə verdiyinə görə sərt tənqid etmişdi.

Trampın iddiası budur ki, şirkət “Vayselberqin şəxsi cinayətlərinə görə cəzalandırılır”.

Qeyd edək ki, “Trump Organization”un törəmə şirkətləri olan “Trump Corp” və “Trump Payroll” da 17 cinayətdə, o cümlədən vergi fırıldaqçılığında təqsirli bilinib.

VergiVergi qanunvericiliyində məşğulluq və əmlak deyəndə nə nəzərdə tutulur? VergiFəaliyyəti olmayan vergi ödəyiciləri maliyyə sanksiyasından azad edilib İqtisadiyyatViktor Orban: "Azərbaycanın Avropaya enerji nəqlinə sadiqliyini çox yüksək qiymətləndiririk" İqtisadiyyatPrezident İlham Əliyev: “Biz Qarabağ bölgəsində yenidənqurma işlərində macar şirkətlərini görməyi ümid edirik” VergiSatış məqsədilə alınan əmlak əsas vəsaitlər kateqoriyasına aid edilirmi? Ekspert RəyiAvtonəqliyyat vasitələrinin əmlak vergisinə cəlb edilməsi İqtisadiyyatMMC-lərin məcburi auditdən keçməsi nəyə görə zəruridir? İqtisadiyyatƏsas kapitala yönəldilmiş vəsaitlər artıb VergiXalis mənfəətin bölüşdürülməsi necə tənzimlənir? İqtisadiyyatSafiddin Jurayev: “Yeni beynəlxalq nəqliyyat dəhlizi Azərbaycanda və Özbəkistanda yeni bazarlar açacaq”