Xam günəbaxan yağının idxalına tətbiq edilən gömrük rüsumunun dərəcəsi 10 faizə qaldırılıb və qərar Prezident Rəcəb Tayyib Ərdoğanın “İdxal rejimi qərarında dəyişiklik edilməsi haqqında” Fərmanı “Rəsmi qəzet”də dərc olunduqdan sonra qüvvəyə minib.
Qeyd edək ki, mövcud geosiyasi reallıqlar zəminində günəbaxan yağına tətbiq olunan gömrük rüsumunun dərəcəsi ilin əvvəlində sıfıra endirilmişdi.
Bu dəyişikliyin yerli istehsalın davamlılığını və fermerlərin dəstəklənməsini təmin etmək məqsədi daşıdığı bilirilir.
Dəyişikliyin səbəbi ilə bağlı hökumətin açıqlamasında qeyd edilib ki, yağlı toxumların və bitki yağlarının dünya qiymətləri və tədarükü ilə bağlı son regional proseslər nəzərə alınmaqla Türkiyədə günəbaxan məhsulunun yığımı dövründə yerli istehsalın dayanıqlığını təmin etmək və fermerlərə dəstək məqsədilə xam günəbaxan yağının gömrük rüsumu sıfır faizdən 10 faizə qaldırılıb.