Avropa İttifaqı (Aİ) elektrik enerjisinin artırılmışqiymətlərindən yüksək gəlir əldə edən enerji şirkətlərindən nəzərdə tutulmamış gəlirlər üçün milli vergilər tutmağı təklif edib. “Financial Times”qəzetinin yazdığına görə, elektrik enerjisinin topdansatış qiymətləri təbii qazın qiymətinə bağlı olduğu üçün kəskin bahalaşıb və elektrik enerjisinin qazdan istehsal edilib-edilməməsindən asılı olmayaraq bu tendensiya müşahidə olunur. Qəzetin xəbərində bildirilib ki, hazırda qazın qiyməti bir il əvvəlkindən 12 dəfə bahadır və Aİ ölkələrinin energetika nazirləri yaxın günlərdə vergilərin tətbiqi imkanlarını müzakirə edəcəklər.