Panama vergini kriptovalyutalarla ödəməyə icazə verir
Mərkəzi Amerika ölkəsi olan Panamanın Milli Assambleyası ölkə ərazisində kriptoaktivlərin istifadəsini və kommersiyalaşdırılmasını tənzimləyən qanun layihəsini təsdiqləyib.
TASS agentliyinin “Reuters”ə istinadən verdiyi məlumatda bildirilir ki, qəbul edilmiş normalar vergilərin kriptovalyutalarla ödənilməsinə imkan yaradır, həmçinin kriptoaktivlərin ticarətini və istifadəsini, rəqəmsal qiymətli kağızların emissiyasını və yeni ödəniş sistemlərinin işə salınmasını tənzimləyir. “Biz, məsələn, sənət əsərlərinin də aid oluna biləcəyi müxtəlif növ kriptoaktivlərin meydana çıxdığını görürük. Ona görə də təkcə kriptovalyutalarla məhdudlaşmaq istəmədik”, – qanun layihəsinin müəllifi Qabriel Silva bildirib.
