Çində bu ilin birinci rübündə ÜDM 4,8 faiz artıb
2022-ci ilin ilk rübündə Çində ümumi daxili məhsul (ÜDM) istehsalı 27,018 trilyon yuana (4,3 trilyon dollara) çatıb ki, bu da illik ifadədə 4,8 faizlik artım deməkdir. “Reuters” agentliyinin xəbərinə görə, hökumət bu ilin yekunlarına görə, ÜDM artımının 5,5 olacağını gözləyir.
Birinci rübün digər nəticələri:
- əhalinin hər nəfərinə düşən gəlirlər – 6,3 faiz artım;
- işsizlik 5,5 faiz (2021-ci ildə 5,1 faiz olmuşdu);
- sənaye istehsalı – 6,5 faiz artım;
- əsas kapitala investisiyalar – 9,3 faiz artım;
- pərakəndə satış – 3,3 faiz artım;
- neft hasilatı – 4,4 faiz artım;
- qaz hasilatı – 6,6 faiz artım.
Qeyd edək ki, 2021-ci ildə Çinin ÜDM artımı son on ilin rekord göstəricisinə çatmış, 8,1 faiz olmuşdu.
