29 Mart 2024

VERGİLƏR

SOSİAL-İQTİSADİ ONLAYN QƏZET

Dünya Bankı: “2022-ci ildə Ermənistanda yoxsulluq səviyyəsi 39,6 faizə çata bilər”

Ukraynadakı əməliyyatlar Ermənistan iqtisadiyyatına, ehtimal ki, əhəmiyyətli dərəcədə mənfi təsir göstərəcək, baxmayaraq ki, bu təsirin miqyasları hələ qeyri-müəyyən qalır. Bu barədə Dünya Bankının Avropa və Mərkəzi Asiya regionunun iqtisadiyyatına həsr etdiyi məruzədə bildirilib. Qeyd edilib ki, Ermənistan Rusiya ilə sıx iqtisadi əlaqələrə malikdir, 2018-2022-ci illərdə Ermənistanın ixracının 28 faizi, idxalının isə 30 faizi Rusiyanın payına düşüb. Bundan əlavə, 2021-ci ildə Rusiyadan pul göndərişləri ÜDM-in 5 faizini təşkil edib, birbaşa xarici sərmayələrin xalis həcminin 41 faizi Rusiyanın hüquqi şəxslərinə aid olub, ölkəyə gələn bütün turistlərin 40 faizi Rusiyadan gəlib.

Məruzədə göstərilib ki, 2022-ci il üçün Ermənistan iqtisadiyyatının hərbi əməliyyatlara qədər 5,3 faiz göstərilən artım proqnozu pul göndərişlərinin və real əməkhaqqı səviyyəsinin minimum səviyyəyə enməsi, investisiya qoyuluşuna təsir göstərən qeyri-müəyyənliyin artması, eləcə də Rusiyaya ixracın azalması, qlobal və regional iqtisadi artımın ləngiməsi nəzərə alınmaqla 1,2 faizə endirilib.

Dünya Bankının proqnozuna əsasən, 2022-ci ildə Ermənistanda əhalinin yoxsulluq səviyyəsi 39,6 faizə çata bilər ki, bu da müharibənin olmaması ssenarisi ilə müqayisədə 3 faiz bəndi yüksək göstəricidir.

Qeyd edilib ki, iqtisadiyyatın kövrəkliyi pul göndərişlərinin azalmasına, kommunal xidmətlərin qiymətlərinin yüksəlməsinə və ərzaq məhsullarının bahalaşmasına görə arta bilər. Hesabatda göstərilib ki, ölkə iqtisadiyyatı ilə bağlı proqnoz dəyişkən qlobal və regional şərtlərlə əlaqədar qeyri-müəyyəndir. “Ukraynadakı uzun sürən münaqişə, Rusiyada davamlı və nəzərəçarpan azalma, dünya əmtəə bazarlarındakı gələcək boşluqlar və Ermənistan sərhədləri boyunca hələ həll edilməmiş geosiyasi problemlər risk yaradır. Digər tərəfdən, Rusiyadan insanları axını davam edərsə, bu, iqtisadiyyata müsbət təsir göstərə bilər”, - məruzədə göstərilib.

Vergiİtirilmiş istifadəçi kodu, parol və şifrənin bərpası hansı qaydada mümkündür? VergiYaşayış binalarındakı mənzillər vergitutma obyekti sayılırmı? İqtisadiyyatEldəniz Əmirov: “Dövlət zəmanəti ilə verilən kreditlər daha etibarlıdır” VergiFaizsiz borclar hansı formada vergiyə cəlb olunur? VergiHansı halda əyləncə və yemək xərcləri gəlirdən çıxıla bilər? İqtisadiyyatXalid Kərimli: “Daxildə emal prosedurunun tətbiqində məqsəd ixracın stimullaşdırılmasıdır” İqtisadiyyatPərviz Heydərov: “Daxildə emal proseduru ixracın xüsusi çəkisinin artmasına səbəb olacaq” İqtisadiyyatEyyub Kərimli: “Rəqabət Məcəlləsi iqtisadiyyat üçün yeni imkanlar yaradacaq” VergiQeyri-neft sektorunun özəl bölməsində əmək müqavilələrinin sayı 898 minə çatıb VergiAktiv ƏDV ödəyicilərinin sayı 14,4 faiz artıb