ABŞ-ın xəzinədarlıq katibi Steven Mnuçin iki ölkə arasındakı ticarət görüşmələrində irəliləyiş olduğunu, bir ticarət sazişinin tətbiqi mexanizminin razılaşdırıldığını bildirib. 

Bu, ABŞ Prezidenti tərəfindən Çin mallarına əlavə gömrük vergilərinin qoyulması ilə bağlı yaranan gərginlikdən sonra əhəmiyyətli bir hadisə kimi qiymətləndirilir. "İki tərəfin də davam edən problemlərin həlli istiqamətində sazişin tətbiqi üçün ofislər təşkil etməsi barədə yekdil rəyə gəldik. Bu, hər iki tərəfin ciddi yanaşdığı məsələdir", - xəzinədarlıq katibi bildirib. O, ABŞ Prezidenti Donald Trampın Çinə tətbiq olunacağını irəli sürdüyü əlavə gömrük vergilərindən mümkün bir "tətbiq vasitəsi" kimi istifadə edilib-edilməyəcəyi ilə bağlı suala konkret cavab verməyib, Çin dövlət başçısının müavini Liu He ilə danışıqların son dərəcə konstruktiv keçdiyini deməklə kifayətlənib.