UEFA Çempionlar Liqasının final oyunu ilə əlaqədar vergi güzəştləri tətbiq ediləcək
Rusiya Dövlət Dumasının deputatları keçirilməsi nəzərdə tutulan UEFA Çempionlar Liqasının final oyunu ilə bağlı fəaliyyətlər üçün vergi güzəştlərini ehtiva edən qanun layihəsini birinci oxunuşda qəbul ediblər.
UEFA-nın hazırda qüvvədə olan tənzimləyici sənədlərinin tələblərinə uyğun olaraq güzəştlər əlavə dəyər vergisinə, fiziki şəxslərin gəlir vergisinə, mənfəət vergisinə, dövlət rüsumlarına, nəqliyyat vergisinə, müəssisələrin əmlak vergisinə və sığorta haqlarına tətbiq olunacaq.
Rusiya təşkilatları (o cümlədən Rusiya Futbol İttifaqı və onun yerli təşkilat strukturları) yalnız final oyununa hazırlıq və oyunun keçirilməsi ilə bağlı fəaliyyətlərinə görə vergidən azad ediləcək.
Fiziki şəxslərin gəlir vergisinə və sığorta haqlarına güzətlər isə yalnız xarici vətəndaşlara, eləcə də final oyunlarının keçirilməsi ilə bağlı fəaliyyətlərə cəlb edilən vətəndaşlığı olmayan şəxslərə aiddir.
