İnternet istifadəçiləri arasında Viya adı ilə məşhur olan məşhur aktrisa və müğənni Xuanq Veyə Çinin Çjeszyan əyalətinin vergi idarəsi tərəfindən 1 milyard 341 milyon yuan (223 milyon ABŞ dolları) cərimə kəsilib. Xuanq Vey “Alibaba” qrupuna aid olan “Taobao” elektron ticarət platforması və digər canlı yayım platformalarındakı məhsulların tanıdılması və satışı sahəsində uğurları ilə tanınır.

Xuanq Veyin yol verdiyi qanun pozuntuları arasında saxta bəyannamələr təqdim etməklə 643 milyon yuan (101 milyon ABŞ dolları) vəsaitin büdcədən yayındırılması da göstərilir.

ТАSS agentliyinin xəbərinə görə, ÇXR-in Dövlət Vergi İdarəsi məşhur aktrisaya qarşı vergidən yayınma ilə əlaqədar sərt tədbir görülməsini “qətiyyətlə dəstəkləyib”.

Çinin baş vergi administrasiyası ölkənin bütün vergi xidmətlərini bu cür işləri “sərt və qanun əsasında ciddi araşdırmağa”, “dövlət vergi nizamının nüfuzunu güzəştsiz şəkildə qorumağa” çağırıb.