CAR şəkərə və şəkərli içkilərə vergi tətbiq edir

Bizim ölkəmiz üçün aktual olan bir məsələ indi sərhədləri aşaraq bütün dünyanın diqqət mərkəzindədir. Şirin içkilərin istehlakının azaldılması üçün Avropada verilən qərarlar indi başqa qitlələrə də əks-səda yaradır. Növbə Afrika qitəsinə çatıb. Cənubi Afrika Respublikasının (CAR) Milli Xəzinədarlıq İdarəsi şirinləşdirilmiş içkilər üçün 2019-cu ilin yeniləşdirilmiş dövlət büdcəsində nəzərdə tutulan vergi ilə bağlı açıqlama verib.

Açıqlamada göstərilir ki, tərkibində hər 100 millilitr hesabına 4 qramdan artıq şəkər olan içkilərə vergi tətbiq olunur. CAR-dakı digər aksiz vergiləri kimi şirin içkilərə vergi də gömrük və aksizlər barədə qanuna müvafiq olaraq tətbiq ediləcək. Bu vergi ölkənin özündə istehsal edilməsindən və ya kənardan idxal edilməsindən asılı olmayaraq tərkibində göstərilən həddən yuxarı şəkər olan bütün içkilərə tətbiq ediləcək. Milli Xəzinədarlığın açıqlamasına görə, bu addım ölkədə şirin içkilərin istehlakına ciddi şəkildə təsir göstərmək məqsədilə atılır: "Bütün dünyada bu cür fiskal tədbirlər piyləmə epidemiyası ilə mübarizəyə kömək üçün əlavə təsirli alət kimi qəbul edilir".