20 Aprel 2024

VERGİLƏR

SOSİAL-İQTİSADİ ONLAYN QƏZET

Aİ “Apple” şirkətinin vergi borcunu ödəməsi ilə bağlı qərarından geri çəkilmir

Avropa İttifaqı (Aİ) Komissiyası ilə “Apple” şirkəti arasında vergi mübahisəsi uzun müddətdir ki, davam edir.

Aİ-nin rəsmi qəzetində Komissiyanın Aİ Ümumi Məhkəməsinin iyul ayındakı qərarından Avropa Ədalət Divanına göndərdiyi apelyasiya şikayətinin dəlilləri yayımlanıb. Sənəddə “Apple” şirkətinin xeyrinə çıxarılmış qərarda hüquqi səhvə yol verildiyi iddia edilib, Ümumi Məhkəmənin Aİ Komissiyasının istinad etdiyi dəlilləri kifayət qədər qiymətləndirmədiyi və ziddiyyətli məntiqə əsaslandığı göstərilib.

Qeyd edək ki, Aİ Komissiyası baş ofisi ABŞ-da yerləşən “Apple” şirkətinin İrlandiyada təsis etdiyi şirkətlərin vergi öhdəliyi ilə bağlı 3 il davam edən təhqiqatını 2016-cı ilin avqust ayında tamamlamışdı. Aİ Komissiyası şirkətin İrlandiyada faydalandığı vergi güzəştlərinin Aİ qanunlarına zidd olduğunu əsas gətirərək 2003-cü ildən 2014-cü ilə qədər dövr üçün “Apple” şirkətinin 13 milyard avro və həmin məbləğin faizini ödəməsi ilə bağlı qərar qəbul etmişdi. Şirkət bu qərara etiraz edərək Aİ-ni birtərəfli yanaşmada və İrlandiyada tətbiq olunan vergi qanunlarını keçmiş tarixlə dəyişdirməkdə ittiham etmişdi.

Məhkəmə prosesi keçən ilin iyun ayında Aİ Ümumi Məhkəməsinin Komissiyanın qərarını “Apple” şirkəktinin xeyrinə ləğv etməsi ilə nəticələnmişdi.

Aİ Komissiyası bu qərarın hüquqi qüvvəsinə qiymət vermək üçün qərarı yuxarı məhkəmə instansiyası olan Avropa Ədalət Divanına göndərəcəyini bildirmişdi.

VergiMikro sahibkarlıq subyektlərinə hansı güzəşt tətbiq edilir? Vergi“Vergi və hesabatlılıq” işçi qrupunun videokonfrans formatında iclası keçiriləcək VergiNaxçıvanda 1,5 mindən çox yeni vergi ödəyicisi qeydiyyata alınıb VergiMüharibə veteranı adı almış fiziki şəxslərə hansı vergi güzəşti tətbiq olunur? VergiƏDV-nin müvafiq hissəsi geri qaytarılmadıqda nə etməli? VergiOnlayn ticarətlə məşğul olan fiziki şəxsin hansı vergi öhdəlikləri yaranır? VergiYeni nəsil NKA-lar vasitəsilə dövriyyə 5,3 mlrd. manatdan çox olub VergiMənzil alınarkən ƏDV-nin geri qaytarılması bütün MTK-lara şamil olunur? VergiHansı vergi ödəyiciləri sadələşdirilmiş verginin ödəyicisi ola bilməz? Vergiİtirilmiş istifadəçi kodu, parol və şifrənin bərpası hansı qaydada mümkündür?