8 Dekabr 2022

VERGİLƏR

SOSİAL-İQTİSADİ ONLAYN QƏZET

Kreditlərə dövlət zəmanəti mexanizmi sahibkarların işini asanlaşdırır

Azərbaycan Sahibkarlar (İşəgötürənlər) Təşkilatları Milli Konfederasiyasının (ASK) sahibkarlar arasında keçirdiyi sorğunun nəticələrinə görə, biznesin çətinliklərindən biri də maliyyə əlçatanlığı ilə bağlıdır.

ASK-nın vitse-prezidenti Vüqar Zeynalov bildirib ki, xüsusən COVİD-19 pandemiyası ilə əlaqədar karantin dövründə ölkə iqtisadiyyatına dəyən ziyanı aradan qaldırmaq üçün sahibkarlara dəstək istiqamətlərindən biri məhz kreditlərə dövlət zəmanəti mexanizmini işə salmaq idi: “Hökumətə verdiyimiz təkliflərdən biri maliyyə əlçatanlığı ilə bağlı məsələ idi və artıq bu mexanizm də işə düşüb”.

V.Zeynalovun sözlərinə görə, sahibkarlar üçün Elektron Kredit Platformasınn yaradılması birinci növbədə sahibkar və məmur təmasını azaldır. Digər tərəfdən də bu, sahibkar üçün kreditləri daha əlçatan edir. Hazırda bu sahədə bizə düşən ən vacib iş sahibkarları sistemə qoşulma qaydaları haqqında məlumatlandırmaqdır: “Bu sistem tam işə düşsə,sahibkarlar mövcud kreditlərini təklif olunmuş subsidiyalarla birlikdə restrukturizasiya etsələr, kiçik və orta sahibkarlıq müəssisələrinin işi əhəmiyyətli dərəcədə asanlaşar. Xüsusilə sistemdə bir ilə qədər güzəştin tətbiq edilməsi sahibkalara tam ayağa qalxmaq üçün müəyyən möhlət əldə etmək imkanı verir”.

ASK-nın vitse-prezidenti vurğulayıb ki, təklif edilən yeni kreditləşmə mexanizminin özü bir yardımdır. Çünki burada girovun və faizin bir hissəsini dövlət qarşılayır, sahibkarlara bir ilə qədər güzəştlər verilir. Sahibkarlar isə dəstək mexanizmləri barədə məlumatlı, eyni zamanda həmin mexanizmdən yararlanmaq üçün innovativ olmalıdırlar.

Fəxriyyə İkramqızı

MəqalələrSahibkar Afət Məmmədov: “Dövlət hər zaman yanımızdadır” İqtisadiyyatAvropa qurumları ilə tərəfdaşlıq istiqamətləri müzakirə olunub VergiVergi ödəyicisi hansı halda sadələşdirilmiş vergi metodunu tətbiq edə bilər? İqtisadiyyatKənd təsərrüfatı məhsullarının emalı üçün 73 layihəyə güzəştli kredit ayrılıb VergiMüəssisələr vergi hesabatları ilə yanaşı, mühasibat uçotunun da hesabatlarını təqdim etməlidirlər İqtisadiyyatAzərbaycan və Dağıstan arasında iqtisadi əlaqələrin daha da genişləndirilməsi müzakirə edilib VergiVÖEN almaq üçün hansı şərtlər qoyulub? VergiƏDV-dən azad olunan kənd təsərrüfatı təyinatlı avadanlıqların və texnikaların siyahısı təsdiq edilib MəqalələrVergi orqanlarının fəaliyyətinə etimadı yüksəldən mexanizmlər tətbiq edilir VergiFiziki şəxslərin aylıq gəlirindən gəlir vergisi necə tutulur?