22 Oktyabr 2020

VERGİLƏR

SOSİAL-İQTİSADİ ONLAYN QƏZET

AİB Azərbaycanda "startap"ların inkişafı, üzən günəş enerjisi və sair layihələrə 5,8 milyon dollar ayıracaq

Asiya İnkişaf Bankının (AİB) Azərbaycandakı cari aktiv portfeli üç kredit xəttindən (nəqliyyat sektorunda) və altı texniki yardım layihəsindən ibarətdir. Bu barədə "APA-Economics" AİB-in Bakı ofisinə istinadən xəbər verib. Ofisdən verilən məlumata görə, Azərbaycanın bir sıra dövlət qurumu bank tərəfindən maliyyələşdirilən regional texniki yardım layihələri çərçivəsində məsləhət xidmətlərindən yararlanırlar: "2020-2022-ci illərdə AİB-in Azərbaycana ayıracaq texniki yardımın ümumi həcminin 5,8 mln. ABŞ dolları təşkil edəcəyi gözlənilir. Ötən il AİB beş texniki yardım layihəsinə Azərbaycan hökumətinə 3,2 mln. dollar ayırıb".

Qeyd edək ki, AİB-in Azərbaycanda texniki yardım üzrə cari aktiv portfelində olan layihələrə üzən günəş enerjisi istehsalı qurğusu, ünvanlı sosial yardımın sadələşdirilməsinə aid tövsiyələri, yığım prinsipinə əsaslanan pensiya təminatı sxeminin tətbiqi, "gender-həssas büdcə planlaşması" və "startap"ların inkişafı üçün mühitin yaxşılaşdırması layihələri daxildir.