4 Fevral 2023

VERGİLƏR

SOSİAL-İQTİSADİ ONLAYN QƏZET

Əli Məsimli: "Dəyişikliklər şəffaflığın artırılmasına hesablanıb"

Vergi Məcəlləsinə dəyişiklikləri nəzərdə tutan qanun layihəsi parlamentdə birinci oxunuşda səsverməyə çıxarılaraq qəbul edilib. Ekspertlər layihədə vergi ödəyiciləri üçün faydalı yeniliklərin yer aldığını açıqlayıblar. 

Millət vəkili Əli Məsimli "vergiler.az"a açıqlamasında "Vergi Məcəlləsinə dəyişikliklər edilməsi haqqında" qanun layihəsinin 164 dəyişiklikdən ibarət olduğunu, bunların içərisində bir neçəsinın daha çox diqqət çəkdiyini bildirib: "Vergi Məcəlləsinə dəyişikliklərə əsasən, bina tikintisi fəaliyyəti ilə məşğul olan şəxslərin sadələşdirilmiş vergitutma metodunun ləğv edilməsi və həmin şəxslərin vahid vergi rejimində fəaliyyət göstərməsinin təmin edilməsi (ƏDV və mənfəət vergisi metodu) nəzərdə tutulur. Transmilli Şirkətlər Qrupu anlayışının müəyyən olunması, quş əti satışının ƏDV-dən azadolma müddətinin daha 4 il müddətinə uzadılması, habelə heyvan ətinin satışının 4 il ərzində ƏDV-dən azad edilməsi ilə bağlı məsələlər də layihədə xüsusi yer tutur. Bu dəyişikliklər dövlət büdcəsinin dayanaqlı artımının təmin edilməsinə, vergitutma bazasının genişləndirilməsinə və şəffaflığın artırılmasına hesablanıb".

Bununla yanaşı, Ə.Məsimli yeni Vergi Məcəlləsinin hazırlanmasını və əlavə dəyər vergisinin differensiallaşdırılmasını zəruri hesab etdiyini bildirib. Onun fikrincə, bu təkliflərin reallaşdırılması sabit Vergi Məcəlləsinin ərsəyə gəlməsi baxımından ölkəyə sərmayə qoymaq istəyən sərmayəçilər üçün risk dərəcəsini azaldar. ƏDV-nin differrensiallaşdırılması isə iqtisadi fəallığın artmasına ciddi təsir edə bilər.

VergiVergi qanunvericiliyində məşğulluq və əmlak deyəndə nə nəzərdə tutulur? VergiFəaliyyəti olmayan vergi ödəyiciləri maliyyə sanksiyasından azad edilib İqtisadiyyatViktor Orban: "Azərbaycanın Avropaya enerji nəqlinə sadiqliyini çox yüksək qiymətləndiririk" İqtisadiyyatPrezident İlham Əliyev: “Biz Qarabağ bölgəsində yenidənqurma işlərində macar şirkətlərini görməyi ümid edirik” VergiSatış məqsədilə alınan əmlak əsas vəsaitlər kateqoriyasına aid edilirmi? Ekspert RəyiAvtonəqliyyat vasitələrinin əmlak vergisinə cəlb edilməsi İqtisadiyyatMMC-lərin məcburi auditdən keçməsi nəyə görə zəruridir? İqtisadiyyatƏsas kapitala yönəldilmiş vəsaitlər artıb VergiXalis mənfəətin bölüşdürülməsi necə tənzimlənir? İqtisadiyyatSafiddin Jurayev: “Yeni beynəlxalq nəqliyyat dəhlizi Azərbaycanda və Özbəkistanda yeni bazarlar açacaq”