26 Sentyabr 2022

VERGİLƏR

SOSİAL-İQTİSADİ ONLAYN QƏZET

Bakı-Tbilisi-Qars dəmir yolu Çinlə Türkiyə arasında yükdaşımaların müddətini 1 aydan 12 günə endirib

Çinin Sian şəhərindən yola düşən və Bakı-Tbilisi-Qars dəmir yolu ilə Ankaraya çatan "China Railway Express" yük qatarının Ankara dəmir yolu vağzalında yola salınması mərasimində çıxış edən Türkiyənin Nəqliyyat və İnfrastruktur naziri Cahit Turhan bildirib ki, Bakı-Tbilisi-Qars dəmir yolu xətti Çinlə Türkiyə arasında yükdaşımaların müddətini 1 aydan 12 günə endirib. Nazir əlavə edib ki, yük qatarı Marmaray dəmir yolu xəttini də keçərək yükləri Avropaya çatdıracaq.

Anadolu agentliyinin xəbərinə görə, türkiyəli nazir Marmaray xəttinin də modern İpək yolu layihəsinə qoşulması ilə Uzaq Şərqlə Qərbi Avropa arasında qatarların hərəkəti müddətinin 18 günə düşdüyünü qeyd edib. Onun sözlərinə görə, Avropa ilə Asiya arasında 21 trilyon dollarlıq ticarət həcminin olması bu marşrutun əhəmiyyətini daha da artırır. Cahit Turhan əlavə edib ki, Türkiyə, Azərbaycan və Gürcüstanın birgə səyləri ilə uğurla həyata keçirilən Bakı-Tbilisi-Qars layihəsi polad relslər üzərində yükdaşımalarında yeni mərhələnin başlanğıcı olub. "Təqribən 5 milyard insanın və 60 ölkənin istifadə edəcəyi İpək Dəmir Yolu Xətti qlobal ticarət əlaqələri üçün yeni və çox mühüm alternativə çevrildi", -deyə nazir vurğulayıb.

Mərasimdə qeyd olunub ki, 42 iritonnajlı maşının daşıdığı yükə bərabər olan elektronika malları daşıyan 42 konteyner yerləşdirilmiş bu qatar 2 qitəni, 2 dənizi aşaraq 11 min 483 kilometrlik yolu 12 gündə qət edəcək. Onun son dayanacağı Praqa vağzalı olacaq.

İqtisadiyyatSənaye parklarının ixracda rolu artır VergiNağdsız ödənişlər: faydalı, sərfəli və rahat VergiVergi siyasətində rəqəmsallaşma faydalı nəticələr verir İqtisadiyyatRüfət Bayramov: “Yeni sazişin icrası nəticəsində yükdaşımaların həcmində ən azı üçqat artım gözlənilir” Ekspert RəyiEzamiyyə xərcinin günlük norma əsasında hesablanması VergiAzərbaycanın yeni iqtisadi inkişaf strategiyası və vergi islahatları Vergi“Transfer qiymətlərinin müəyyən edilməsi və tətbiqi qaydaları”nda dəyişikliklər edilib VergiRezidentin xarici elektron pul kisəsindən yerli bank hesabına pul köçürülərkən vergi tutulurmu? VergiƏsasnaməyə edilmiş dəyişikliklər işçilərin mənafeyinə xidmət edir Ekspert RəyiEzamiyyətdə olan işçinin əməkhaqqı necə hesablanır?