"Son illər Transxəzər Beynəlxalq Nəqliyyat Marşrutu ("Orta dəhliz") üzrə daşınan yüklərin həcmi artıb". Gürcüstan mətbuatının yazdığına görə, bu barədə Gürcüstanın iqtisadiyyat və davamlı inkişaf naziri Natia Turnava Çinin nəqliyyat naziri Li Siaopan ilə keçirdiyi görüşdə bildirib. Onun sözlərinə görə, təkcə 2018-ci ildə bu dəhlizlə 1.332 TEU tipli yük konteyneri daşınıb.

Nazir deyib ki, 2019-cu ilin ilk doqquz ayı ərzində "Orta dəhliz"lə 1.215 TEU tipli yük konteyneri daşınıb ki, bu da illik müqayisədə 25,5 faiz çoxdur. N.Turnava Gürcüstan hökumətinin Transxəzər Beynəlxalq Nəqliyyat Marşrutu vasitəsilə daşımaların həcminin gələcəkdə daha da artırılmasında maraqlı olduğunu qeyd edib.