Bu ilin oktyabrın 1-nə Azərbaycanda geniş pul kütləsinin həcmi 26.550,6 mln. manat təşkil edib ki, bu da əvvəlki aya nisbətən 1.067,9 mln. manat və ya 4,2 faiz çoxdur. Azərbaycan Mərkəzi Bankından (AMB) "APA-Economics"ə verilən məlumata görə, ilin əvvəlindən bu göstərici 2.490,2 mln. manat və ya 10,3 faiz, ötən ilin analoji dövrü ilə müqayisədə isə 3.404,2 mln. manat və ya 14,7 faiz artıb.

Cari ilin oktyabrın əvvəlinə ölkədə manatla geniş pul kütləsinin həcmi 16.217,4 mln. manat təşkil edib ki, bu göstərici son bir ayda 268,8 mln. manat və ya 1,7 faiz, ilin əvvəlindən 1 573,8 mln. manat və ya 10,7 faiz, son bir ildə isə 2.718,5 mln. manat və ya 20,1 faiz artıb.

Qeyd edək ki, pul kütləsi ölkədə dövriyyədə olan nağd və qeyri-nağd ödəniş vasitələrinin məcmusudur.