24 İyul 2024

VERGİLƏR

SOSİAL-İQTİSADİ ONLAYN QƏZET

Azərbaycanla Gürcüstanın biznes strukturları arasında əməkdaşlığın perspektivləri müzakirə olunub

Azərbaycanın Gürcüstandakı səfiri Dursun Həsənovla qonşu ölkədə səfərdə olan "Caspian European Club"un sədrinin birinci müavini və baş icraçı direktoru Telman Əliyev oktyabrın 4-də Gürcüstanın biznes ombudsmanı İrakli Lekvinadze ilə görüşüblər.

AZƏRTAC xəbər verir ki, görüşdə Azərbaycanla Gürcüstanın biznes strukturları arasında əməkdaşlığın perspektivləri, iqtisadi əlaqələrin daha da inkişaf etdirilməsi, sərmayə qoyuluşu və digər məsələlər müzakirə edilib.

İ.Lekvinadze deyib ki, Gürcüstan dost və qardaş Azərbaycan ilə əməkdaşlığın bütün sahələrdə inkişaf etdirilməsində maraqlıdır. O, Azərbaycan iş adamlarının Gürcüstandakı fəaliyyətindən razılığını ifadə edib. Gürcüstan iqtisadiyyatına sərmayə yatıran xarici ölkələr sırasında Azərbaycanın ən öndə dayanan dövlətlərdən biri olduğunu vurğulayıb.

Səfir D.Həsənov ölkələrimiz arasında əlaqələrin qədim tarixə malik olduğunu vurğulayaraq bildirib ki, bu gün ikitərəfli əlaqələrimiz strateji tərəfdaşlıq səviyyəsinə yüksəlib. Diplomat münasibətlərin belə yüksək səviyyəyə çatmasında dövlət və hökumət başçılarının rolunu xüsusi qeyd edib. Bildirib ki, Prezident İlham Əliyev Gürcüstan ilə əlaqələrə xüsusi diqqət yetirir. Azərbaycan tərəfi iki ölkənin regionları arasında da əlalərin inkişaf etdirilməsi, qarşılıqlı səfərlərin təşkili, biznes forum və digər tədbirlərin keçirilməsində maraqlıdır.

Sonra T.Əliyev "Caspian European Club"un fəaliyyət istiqamətləri, dünyada və Gürcüstanda keçirdiyi tədbirlər, eləcə də gələcək planları barədə məlumat verib.

VergiBankdan xarici valyuta alan vergi ödəyicisi üçün məzənnə fərqi xərc kimi nəzərə alınırmı? VergiTorpaqların barteri zamanı tərəflərin ödəyəcəyi vergi məbləğinin hesablanması VergiYanlış ödənilmiş məcburi dövlət sosial sığorta məbləğinin geri qaytarılması VergiTəsisçiyə olan borc məbləğlərinin qaytarılması qaydası VergiMal mübadiləsi zamanı vergitutma VergiMüharibə veteranlarının vergi güzəşti hansı tarixdən hesablanır? VergiQeyri-kommersiya təşkilatlarının qeydiyyatı necə aparılır? VergiƏDV-nin bir hissəsinin geri qaytarılması hansı mallara aiddir? VergiNəqliyyat vasitəsini icarəyə götürən müəssisənin hansı vergi öhdəliyi yaranır? VergiVergi ödəyicisinin fəaliyyətinin aktivləşməsi hansı öhdəliklər yaradır?