Naxçıvanda sahibkarlara 163 təsdiqedici sənəd verilib
2026-cı ilin yanvar–sentyabr aylarında Naxçıvan Muxtar Respublikasında 12 sahibkarlıq subyektinə 163 təsdiqedici sənəd verilib: bunlardan 7-si texnika və avadanlıqların, 156-sı isə xammal və materialların idxalı üçündür.
Muxtar Respublikanın İqtisadiyyat Nazirliyinin məlumatına görə, bu sənədlər əsasında Rusiya, Çin, Türkiyə, Almaniya, Cənubi Koreya, Avstriya, İran, İraq və Gürcüstandan texnika, texnoloji avadanlıqlar, qurğular, xammal və materiallar idxal edilib. Nəticədə qida məhsulları, tütün məmulatları, içkilər, mineral sular, melamin plitələr, eləcə də metal və plastik məmulatlar istehsal edən müəssisələrin gücü və ixrac potensialı artıb.
