17 İyun 2024

VERGİLƏR

SOSİAL-İQTİSADİ ONLAYN QƏZET

Qarşılıqlı investisiyaların cəlb olunması imkanları genişlənir

Şimali Osetiya-Alaniya Respublikası ilə Azərbaycan sahibkarları arasında əməkdaşlıq çərçivəsində potensial layihələrə qarşılıqlı investisiyaların cəlb olunması ilə bağlı məlumat mübadiləsinin aparılması nəzərdə tutulur. Bu haqda Azərbaycan Respublikası Sahibkarlar (İşəgötürənlər) Təşkilatları Konfederasiyasından (ASK) məlumat veriblər.

Qeyd edək ki, bu gün Azərbaycan Respublikası Sahibkarlar (İşəgötürənlər) Təşkilatları Konfederasiyası (ASK) ilə Şimali Osetiya-Alaniya Respublikasının Ticarət Sənaye Palatası arasında əməkdaşlıq memorandumu imzalanıb. Memorandumu ASK adından vitse-prezident Vüqar Zeynalov və Şimali Osetiya-Alaniya Respublikasının Ticarət Sənaye Palatasının prezidenti Kazbek Xazbiyeviç Tuqanov imzalayıblar.

Konfederasiyadan bildirilib ki, imzalanan sənədə əsasən tərəflər iqtisadi, ticari, elmi və texniki əlaqələrin möhkəmlənməsində bütün səylərini ortaya qoyacaq: "Bundan başqa imzalanan memoranduma əsasən tərəflər, yarmarkaların, sərgilərin, seminarların, konfransların, işgüzar görüşlərin, biznes missiyaların təşkili ilə bağlı əməkdaşlıq edəcəklər. Sənəddə həmçinin qarşılıqlı məlumat mübadiləsinə dair əməkdaşlıq da nəzərdə tutulur. Məsələn əyər xarici ticarət sahəsində müvafiq qanunvericilikdə hər hansı dəyişikliklər olduğu təqdirdə, tərəflər bir birini bu barədə məlumatlandıracaqlar".

Hazırda Şimali Osetiya-Alaniya Respublikasının Ticarət Sənaye Palatasının bir qrup üzvü Azərbaycanda biznes səfərindədirlər. Səfər çərçivəsində ASK-da görüş keçirən qonaqlar Azərbaycanla iqtisadi əməkdaşlıqda maraqlı olduqlarını bildiriblər. K.Tuqanovun sözlərinə görə, Osetiya sahibkarlarının əməkdaşlıq etmək istədikləri ölkələr sırasında Azərbaycan öndədir: "Azərbaycan bizim qonşumuzdur və mental olaraq bir-birimizi tanıyırıq".

ASK ilə birgə işbirliyinə böyük önəm verdiklərini vurğulayan K.Tuqanov işgüzar əlaqələrin genişlənməsi üçün böyük potensial olduğunu söyləyib. Görüşdə Şimali Osetiya-Alaniya Respublikasının sahibkarları öz məhsullarının qısa təqdimatını keçiriblər və azərbaycanlı həmkarları ilə danışıqlardan razı qaldıqlarını bildiriblər.

VergiƏDV-dən azadolunma haqqında e-sertifikat kimlərə verilir? VergiSəhiyyə müəssisəsinə ianə edilən vəsaitlərə vergi güzəşti VergiMövsümi turizm fəaliyyəti ilə məşğul olan fiziki şəxsin vergi öhdəlikləri VergiTəhvil-təslim aktı itirildiyi halda alıcı həmin məbləğdən imtina edə bilərmi? VergiVergi ödəyicisi xarici ölkədəki bank hesabı ilə əməliyyatlar apardıqda hansı sanksiya ilə üzləşə bilər? VergiSosial şəbəkədən gəlir əldə edən şəxslərin vergi öhdəliyi VergiVergi uçotuna durmayan fiziki şəxsin məsuliyyəti VergiKənd təsərrüfatı məhsulları idxal edən vergi ödəyicisi ƏDV-ni necə əvəzləşdirə bilər? VergiFəaliyyəti olmayan fiziki şəxs VÖEN-ni necə dayandıra bilər? VergiTaksi fəaliyyəti ilə məşğul olan fiziki şəxslərin vergi və sosial ödənişləri