Birləşmiş Millətlər Təşkilatı (BMT) 2026-cı ildə Azərbaycanda iqtisadi artımın 2,7%-ə çatacağını proqnozlaşdırır. Bu barədə təşkilatın “World Economic Situation and Prospects 2026” hesabatında deyilir.
BMT-nin hesablamalarına görə, 2025-ci ildə Azərbaycanın ümumi daxili məhsulu (ÜDM) 1,6% artıb. 2027-ci il üçün bu göstəricinin 2,6%-ə çatacağı proqnozlaşdırılır.

BMT-nin hesablamalarına görə, 2025-ci ildə Azərbaycanda orta illik inflyasiya 5,6% təşkil edib. Bu rəqəmin 2026-cı ildə 4%, 2027-ci ildə isə 3,5% olacağı proqnozlaşdırılır.

“Azərbaycanda neft hasilatının durğunluğu 2025-ci ildə iqtisadi fəaliyyəti məhdudlaşdırdı, qeyri-neft sektoru isə daha yaxşı nəticələr göstərdi. Təbii qaz istehsalı və ixracının artması, eləcə də qeyri-neft sektorunda davamlı artım sayəsində 2026-cı ildə ÜDM artımının sürətlənəcəyi gözlənilir”, - hesabatda qeyd olunur.