2025-ci ildə Aqrar Sığorta Fondu tərəfindən ölkənin müxtəlif ərazilərindəki fermer və təsərrüfatlara ümumilikdə 9,147 milyon manat sığorta ödənişi həyata keçirib.

Fondun məlumatına görə, bu, 2024-cü ilin göstəricisini 2,7 milyon manat və ya 43 faiz üstələyir.

Ötən il sığorta ödənişlərinin 8,753 milyon manatı bitkiçilik, 394 min manatı isə heyvandarlıq sığortasının payına düşüb. Ödənişlərin əsas hissəsi meyvə bağları - şaftalı, nektarin, badam, eləcə də taxıl, qarğıdalı və sair bitkilərə aid olub.

Ümumilikdə, 2020-ci ildə fəaliyyətə başlayandan indiyədək Aqrar Sığorta Fondu tərəfindən 22,6 milyon manat sığorta ödənişi həyata keçirilib.

Fond fermer və təsərrüfatlara 2021-ci ildə 200 min manat, 2022-ci ildə 2,4 milyon manat, 2023-cü ildə 4,4 milyon manat, 2024-cü ildə 6,4 milyon manat ödəniş edib.