Bu ilin yanvar-noyabr aylarında Naxçıvan Muxtar Respublikasında sahibkarlara 449 mənşə sertifikatı verilib ki, bu da ötən ilin müvafiq dövrü ilə müqayisədə 34 faiz çoxdur.

Muxtar Respublikanın İqtisadiyyat Nazirliyinin məlumatına görə, hesabat dövründə "CT-1" formalı mənşə sertifikatı 343 ədəd, “Ümumi” formalı mənşə sertifikatı 98 ədəd və “A” forma mənşə sertifikatı 8 ədəd təşkil edib.

Bununla yanaşı, cari ilin ilk 11 ayında sahibkarlıq fəaliyyəti üzrə (əczaçılıq, baytarlıq, yükdaşıma, rabitə, tikinti və s.) 39 lisenziya verilib. Həmçinin Naxçıvan Muxtar Respublikasının müvafiq qurumları tərəfindən verilmiş 8134 icazə reyestrdə qeydiyyata alınıb. Qeydiyyata alınan icazələr ötən ilin müvafiq dövrü ilə müqayisədə 70,9 faiz artıb. İcazələrdən daxilolmaların məbləği isə ötən ilin müvafiq dövrünə nisbətən 34,9 faiz artaraq 193,8 min manat təşkil edib.