Laçın, Xocalı, Ağdərə və Xocavənd rayonlarında daha bir qrup şəxsə özünüməşğulluq proqramı çərçivəsində aktivlər təqdim edilib.

Əmək və Əhalinin Sosial Müdafiəsi Nazirliyinin məlumatına görə, verilən aktivlər hesabına onlar istehsal, xidmət və kənd təsərrüfatı istiqamətləri (dərzi sexi, arıçılıq təsərrüfatı, maldarlıq təsərrüfatı və s.) üzrə kiçik ailə bizneslərini yaradıblar.

Qeyd edək ki, indiyə qədər Böyük Qayıdış proqramı çərçivəsində doğma yurdlarına köçürülən sakinlərdən 633 şəxs özünüməşğulluq proqramının dəstəyi ilə öz kiçik ailə təsərrüfatlarını qurub.