Çex Respublikasının İşəgötürənlər və Sahibkarlar Birlikləri Konfederasiyası və onun üzvü olan Çex Respublikasının İşəgötürənlər Assosiasiyaları Birliyi ilə Azərbaycan Sahibkarlar Konfederasiyası arasında Anlaşma memorandumları imzalanıb.

Azərbaycan Sahibkarlar Konfederasiyasının məlumatına görə, sənəd tərəflər arasında ticarət, investisiya, texnologiya və xidmətlər mübadiləsi sahəsində ikitərəfli əməkdaşlığın qurulmasını, maneələrin həlli istiqamətində tövsiyələrin hazırlanmasını və işgüzar dairələr arasında B2B görüşlərin təşkilini ehtiva edir.

Konfederasiyanın prezidenti Məmməd Musayev təşkilatın beynəlxalq əməkdaşlıq istiqamətləri, xüsusən də Mərkəzi Asiya ölkələri ilə olan əlaqələrin inkişafı haqqında geniş məlumat verib. Öz növbəsində Çex Respublikasının İşəgötürənlər və Sahibkarlar Birlikləri Konfederasiyasının prezidenti Yiri Horeçki Azərbaycana səfərin məqsədlərinə toxunaraq müdafiə sənayesi, qida, kənd təsərrüfatı, tikinti, təhsil, sağlamlıq, sığorta, mədənçilik, enerji sektorları üzrə əməkdaşlığa hazır olduqlarını vurğulayıb.