İstehlak qiymətləri indeksi açıqlanıb
2025-ci ilin iyun ayında istehlak qiymətləri indeksi 2024-cü ilin iyun ayına nisbətən 106,0 faiz, o cümlədən qida məhsulları, alkoqollu içkilər və tütün məmulatları üzrə 107,0 faiz, qeyri-qida məhsulları üzrə 102,8 faiz, əhaliyə göstərilən ödənişli xidmətlər üzrə 107,2 faiz təşkil edib.
Dövlət Statistika Komitəsinin məlumatına görə, cari ilin iyun ayında istehlak qiymətləri indeksi əvvəlki aya nisbətən 99,6 faiz, yanvar-iyun aylarında isə əvvəlki ilin müvafiq dövrünə nisbətən 105,9 faiz olub.
2025-ci ilin iyun ayında qida məhsulları, alkoqollu içkilər və tütün məmulatları üzrə istehlak qiymətləri indeksi əvvəlki aya nisbətən 98,8 faiz, yanvar-iyun aylarında isə əvvəlki ilin müvafiq dövrünə nisbətən 106,6 faiz təşkil edib.
