Dünya İqtisadi Forumunun 4Sİ Azərbaycan Mərkəzi San Fransiskoda keçirilən Qlobal Texnologiya Forumu 2025 tədbirində iştirak edir.

Dördüncü Sənaye İnqilabının Təhlili və Koordinasiya Mərkəzinin (4SİM) məlumatına görə, tədbir DİF-in Dördüncü Sənaye İnqilabı Mərkəzi tərəfindən təşkil olunub.

Süni intellekt və kvant texnologiyalarından tutmuş GovTech və bioiqtisadiyyata qədər texnologiyanın insanlara və planetə necə xidmət edə biləcəyini müzakirə etmək üçün müxtəlif sahələrdən liderlər bir araya gəlib.

DİF tərəfindən hər il təşkil olunan Qlobal Texnologiya Forumu Dördüncü Sənaye İnqilabı (4Sİ) mərkəzlərinin rəhbərlərinin iştirakı ilə keçirilir. Tədbirin əsas məqsədi mərkəzlərin strateji hədəfləri, gələcək layihələri, ortaq əməkdaşlıqları və texnologiya idarəetməsi ilə bağlı məsələlərin müzakirəsidir.