30 Oktyabr 2020

VERGİLƏR

SOSİAL-İQTİSADİ ONLAYN QƏZET

Hüquqi şəxs statuslu müəssisələrdə satılmış məhsulların və göstərilmiş xidmətlərin dəyəri artıb

Yanvar-iyun aylarında əhalinin tələbatlarının ödənilməsi məqsədilə paytaxtın istehlak bazarında satılmış məhsulların və göstərilmiş xidmətlərin dəyəri 12 milyard 950,5 milyon manat olmaqla ötən ilin müvafiq dövrünə nisbətən müqayisəli qiymətlərlə 2,8 faiz artıb. Satılmış məhsulların və göstərilmiş xidmətlərin ümumi həcminin 95,8 faizini qeyri-dövlət sektoru təşkil edib. Bu bölmə üzrə pərakəndə ticarət dövriyyəsinin və ödənişli xidmətlərin dəyəri əvvəlki ilin eyni səviyyəsini real ifadədə 2,7 faiz üstələyərək 12 milyard 405,9 milyon manat olub.

Hesabat dövründə hüquqi şəxs statuslu müəssisələrdə satılmış məhsulların və göstərilmiş xidmətlərin ümumi dəyəri keçən ilin müvafiq dövrü ilə müqayisədə 19 faiz artaraq 4 milyard 859,7 milyon manat təşkil edib.