2025-ci ilin 1-ci rübü üzrə dövlət büdcəsinin gəlirləri 9 562,1 milyon manat proqnoza qarşı 9 733,4 milyon manat və yaxud 171,3 milyon manat (1,8 faiz), 2024-cü ilin müvafiq dövrü ilə müqayisədə isə 5,4 faiz və ya 499,2 milyon manat çox icra edilib.

Maliyyə Nazirliyinin 2025-ci ilin 1-ci rübü üzrə icmal və dövlət büdcələrinin icrasına (operativ) dair məlumatına əsasən, bu, cari ilin dövlət büdcəsinin illik gəlirlərinin 25,4 faizinə bərabər olub. Hesabat dövründə dövlət büdcəsinin gəlirləri 9 733,4 milyon manat, xərcləri 8 115,0 milyon manat olub, 1618,4 milyon manat məbləğində dövlət büdcəsinin artıqlığı (profisit) yaranıb.