Azərbaycanla Somali arasında neft və qaz sahəsində əməkdaşlığa dair Anlaşma Memorandumu imzalanıb
Azərbaycan Energetika Nazirliyi ilə Somali Federativ Respublikasının Neft və Mineral Ehtiyatlar Nazirliyi arasında neft və qaz sahəsində əməkdaşlığa dair Anlaşma Memorandumu imzalanıb.
Bu barədə energetika naziri Pərviz Şahbazov “X” sosial şəbəkəsində yazıb.
Nazirin sözlərinə görə, sənəd, neft və qaz layihələri sahəsində Azərbaycanın zəngin təcrübəsindən faydalanmaqla əməkdaşlığın inkişafı üçün mühüm bir addımdır.
Bildirilib ki, Somalinin neft və mineral ehtiyatlar naziri Dahir Şire Məhəmmədlə keçirilən görüşdə enerji tərəfdaşlığının qurulması üçün imkanlar dəyərləndirilib.
