28 May 2022

VERGİLƏR

SOSİAL-İQTİSADİ ONLAYN QƏZET

Azərbaycanda ödəniş kartları ilə aparılmış əməliyyatların həcmi 9.532 milyon manata yüksəlib

Azərbaycan Mərkəzi Bankı cari il üzrə nağdsız əməliyyatların həcmi ilə bağlı hesabat hazırlayıb.

Hesabatda qeyd olunur ki, bu ilin yanvar-iyun aylarında Azərbaycanda banklararası ödəniş sistemləri vasitəsilə aparılan ödəniş əməliyyatlarının həcmi 131,3 mlrd. manat, sayı 25,378 mln. ədəd təşkil edib ki, bu da ötən ilin analoji dövrü ilə müqayisədə müvafiq olaraq 5,1 faiz və 41,3 faiz çoxdur. Hökumət Ödəniş Portalı üzərindən hesabat dövründə həyata keçirilən əməliyyatların həcmi 1,412 mlrd. manat təşkil edib ki, bu da ötən ilin eyni dövrü ilə müqayisədə 34 faiz artım deməkdir. Sözügedən əməliyyatların 551 mln. manatı nağdsız qaydada həyata keçirilib ki, bu göstərici 2018-ci ilin ilk yarısı ilə müqayisədə 3,4 dəfə artıb. İyunun 30-na Azərbaycan üzrə bankomatların sayı 2.571 ədəd olmuşdur ki, bu göstərici də ötən ilin müvafiq dövrü ilə müqayisədə 90 ədəd çoxdur.

Bankomatların 1.373-ü Bakı şəhərində, 1.198-i isə digər şəhər və rayonlarda yerləşir. Ölkədə banklar tərəfindən quraşdırılmış POS-terminalların sayı 63.396 ədəd olub ki, bunun da 25.747 ədədi təmassız POS-terminallardır. Ötən ilin analoji dövrü ilə müqayisədə təmassız POS-terminalların sayı 26 faiz (5.305 ədəd) artıb.

Bu ilin iyunun 30-na ölkə üzrə ödəniş kartlarının sayı keçən ilin müvafiq dövrünə nisbətən 14,7 faiz artaraq 7 mln. ədədi ötüb. Bunlardan təmassız ödəniş kartlarının sayı 998 min ədəd olub. Təmassız kartların sayı 2018-ci ilin müvafiq dövrü ilə müqayisədə 2,4 dəfə, təmassız əməliyyatların sayı isə 4,6 dəfə artıb.
Hesabat dövründə ölkə daxilində ödəniş kartları ilə aparılmış əməliyyatların həcmi 9,532 mln. manat təşkil edib ki, bu da ötən ilin müvafiq dövrü ilə müqayisədə 24 faiz çoxdur. Ödəniş kartları ilə aparılmış əməliyyatlarda nağdsız hesablaşmaların çəkisi 20 faiz təşkil edib, ötən ilin analoji dövründə bu göstərici 16 faiz idi.

VergiQeyri-neft sektorunun özəl bölməsi üzrə vergi daxilolmaları artıb BeynəlxalqBVF qlobal iqtisadiyyatın İkinci Dünya Müharibəsindən sonra ən pis vəziyyətə düşdüyünü bildirib İqtisadiyyatDövlət satınalmalarının təşkili mövzusunda seminar keçirilib İqtisadiyyatBu gün Bakıda “TEKNOFEST Azərbaycan” festivalı başlayır VergiNağdsız qaydada alınmış yaşayış və qeyri-yaşayış sahələrinə görə ödənilmiş əlavə dəyər vergisi geri qaytarılır VergiHəyata keçirilən islahatlar qeyri-neft-qaz sektorundan vergi daxilolmalarının əhəmiyyətli artımına səbəb olub İqtisadiyyatÖlkədə bağlanmış əmək müqavilələrinin sayı may ayının 1-nə 1 milyon 691,9 min olub VergiƏDV tətbiq edilməklə satılmış bəzi mallara görə hesablanmış ƏDV məbləğləri azaldılacaq İqtisadiyyatİqtisadiyyat naziri Mikayıl Cabbarov Səudiyyə Ərəbistanı Krallığının investisiya naziri ilə görüşüb İqtisadiyyatBirləşmiş Ərəb Əmirlikləri ilə iqtisadi-ticarət əlaqələri və əməkdaşlıq perspektivləri müzakirə edilib