Dekabr ayının 17-də Rusiyanın Ulyanovsk vilayətindən Azərbaycana 18,7 ton pendir məhsulu tədarük edilib.

Rusiyanın Baytarlıq və Fitosanitar Nəzarəti üzrə Federal Xidmətinin (Rosselxoznadzor) məlumatına görə, ümumilikdə, ilin əvvəlindən Ulyanovsk vilayətindən Özbəkistan və Azərbaycana 594 ton süd məhsulunun ixracına nəzarət tədbirləri keçirilib. Ötən illə müqayisədə süd məhsullarının ixracı 60 faiz artıb. 2023-cü ildə eyni ölkələrə 368,7 ton məhsul tədarük edilib.

Xidmətin müvafiq idarəsi tərəfindən ixrac edilən məhsullara baytarlıq nəzarəti tədbirləri həyata keçirilib. Məhsullar alıcı ölkələrin tələblərinə cavab verib, onların keyfiyyəti və təhlükəsizliyi laboratoriya sınaqlarının aktları ilə təsdiqlənib.