Azərbaycan Mərkəzi Bankı uçot dərəcəsini 0,25 faiz bəndi azaldaraq 8,5 faizdən 8,25 faizə endirib. Faiz dəhlizinin yuxarı həddi 10,25 faiz, aşağı həddi isə 6,25 faiz səviyyəsində müəyyən edilib.

Mərkəzi Bankın İdarə Heyətinin sədri Elman Rüstəmov bildirib ki, bu qərar faktiki inflyasiyanın hədəf diapazonunun (4±2%) mərkəzindən aşağıda olması, inflyasiya gözləntilərinin sabitliyi, xarici mühitin əlverişli qalması nəzərə alınmaqla qəbul edilib: "Proqnozlar tələbin canlanması ilə əlaqədar olaraq 2019-cu ilin sonuna inflyasiyanın hədəfdən (4±2%) yüksək olacağını göstərir. İqtisadi artım pozitiv dinamikasını saxlayır. 2019-cu ilin altı ayında ötən ilin eyni dövrünə nəzərən real iqtisadi artım 2,4 faiz təşkil edib. Qeyri-neft sektorunda isə artım 3,2 faiz olub".

E.Rüstəmov bildirib ki, faiz dəhlizinin parametrləri barədə növbəti qərarlar sentyabr, oktyabr və dekabr aylarında veriləcək və gələcəkdə də faizlərin endiriləcəyi istisna deyil.