Bu ilin yanvar-avqust aylarında ölkədə 888,3 min dekalitr (dkl) üzüm şərabı istehsal edilib.

Dövlət Statistika Komitəsinin hesabatına əsasən, ötən ilin eyni dövrünün göstəricisi ilə müqayisədə istehsal 16,4 faiz və ya 125 min dkl artıb.

Cari ilin iyul ayı ilə müqayisədə isə avqustda istehsal həcmində təqribən 3,1 dəfə və ya 183,9 min dkl artım qeydə alınıb. Avqust ayında 272,1 min dkl şərab istehsal olunub. Sentyabr ayının 1-nə hazır məhsul ehtiyatı isə 676,5 min dkl təşkil edib.