Azərbaycanın ən böyük zəfəran istehsalçısı olan “Absheron Saffron Ltd” MMC bu il zəfəran əkini sahəsini 3 hektar genişləndirib. Bunu “Azərbaycan iqtisadiyyatı” Teleqram kanalına MMC-nin təsisçisi Xəlil Cəfərov deyib.

Onun sözlərinə görə, bu il 20 hektarlıq ərazinin 13 hektarında zəfəran əkilib: “Keçən il hava isti keçdiyindən məhsuldarlıq az oldu. Amma bu il 40-50 kq zəfəran toplayacağımızı gözləyirik. İndiyədək ən çox halda 30 kq zəfəran toplaya bilmişik. Hazırda 30 kq-a qədər ehtiyat zəfəranımız var”.

Xatırladaq ki, 2016-cı ildən fəaliyyət göstərən “Absheron Saffron Ltd” MMC Bakı şəhəri Xəzər rayonunun Zirə qəsəbəsində zəfəran əkir.

İlhamə İSABALAYEVA