İqtisadiyyat Nazirliyi yanında Əmlak Məsələləri Dövlət Xidməti 2024-cü ilin yanvar-iyul ayları ərzində daşınmaz əmlak üzərində 207.669 mülkiyyət hüququnu qeydiyyata alaraq çıxarışla təmin edib.

Dövlət Xidmətinin məlumatına görə, bu göstəricinin 33.572-si (16,1%) ilkin, 174.097-si isə (83,9%) isə təkrar qeydiyyatın payına düşür.

2024-cü ilin ilk 7 ayında fərdi yaşayış və bağ evi üzərində 33.395, mənzil üzərində 46.933, torpaq sahəsi üzrə 120.079, qeyri-yaşayış binası üzrə1.921, qeyri-yaşayış sahəsi 4.863, əmlak kompleksi üzrə 453, çoxmərtəbəli yaşayış binası üzərində isə 25 mülkiyyət hüququnun dövlət qeydiyyatı aparılıb. Bu dövrdə qeydiyyata alınan mülkiyyət hüquqlarının 54.558-i Bakının, qalan hissəsi isə bölgələrin payına düşür.

Bu ilin yanvar-iyul ayları ərzində 154.905 texniki pasport tərtib edilib, 41.226 ipoteka müqaviləsi qeydiyyata alınıb.