16 Noyabr 2026
SOSİAL-İQTİSADİ ONLAYN QƏZET
Süni intellekt əsasında SMM platforması

Süni intellekt əsasında SMM platforması

Azərbaycanda süni intellekt əsasında formalaşdırılmış yeni bir startap məhsulu hazırlanıb. Kiçik və Orta Biznesin İnkişafı Agentliyi (KOBİA) bu məhsula - süni intellekt əsasında veb səhifələrin dizaynı və hazırlanması üçün nəzərdə tutulan platformaya görə "Jİ Studio" MMC-yə “Startap” şəhadətnaməsi təqdim edib.

MMC-nin təsisçisi Məhərrəm Əliyev bildirib ki, “JIS.AI” xidməti ideyanın mahiyyətinin qeyd edilə biləcəyi avtomatik proqramdır. İstifadəçi proqramda istədiyi məlumatı yazdıqdan sonra süni intellekt ona dizaynla yanaşı, müxtəlif kontent - yazı, şəkil və ya rəqəmsal dizayn təqdim edir. “JIS.AI” istifadəçilərə, eyni zamanda, müxtəlif sosial media paylaşımları yaratmağa kömək edir: “Bunun üçün, sadəcə, meyarlarınıza uyğun olan kontenti hazırlamağa kömək edəcək açar sözləri yazmalısınız. Xidmətimiz istənilən mövzuda mətn yazmaq imkanı da verir. Siz yalnız mətnin nə haqqında və hansı üslubda olacağını proqrama daxil etməlisiniz. “JIS.AI”də brend axtarışı funksiyası istənilən brendin aktivlərinə baxmaq imkanı verir. Bunun üçün hər hansı bir brendin adını daxil edin və platforma bir neçə saniyə ərzində sizin üçün loqotip, rəng, şrift, sloqan, reklam paylaşımları, fotoşəkillər, bir sözlə, istənilən sənaye brendi haqqında vacib olan bütün məlumatları toplayacaq”.

M.Əliyev əlavə edib ki, artıq 7000-dən çox istifadəçi “JIS.AI”dən istifadə edib. Gələcəyin personal marketinq köməkçisindən istifadə edənlər ödənişi ilk 100 cəhddən sonra edə bilərlər. Ödəniş paketlərə uyğun həyata keçirilir.

İlhamə İSABALAYEVA

VergiFiziki şəxs vergi borcunun olub-olmamasını necə öyrənə bilər? VergiŞəxsi istifadə üçün silinən mallara görə vergi öhdəlikləri necə hesablanır? Vergi“YouTube”dan gəlir əldə edən şəxsin hansı vergi öhdəliyi və güzəştləri var? VergiƏmlakın əvvəlki sahibinin ödənilməmiş vergi borcu yeni mülkiyyətçiyə aid edilə bilərmi? Vergiİnvestorun xarici şirkətdən əldə etdiyi dividend gəliri hansı qaydada vergiyə cəlb olunur? VergiÖzəl sektorda çalışan işçilərin gəlirlərinin vergiyə cəlb olunması VergiMəişət mallarının satışı ilə məşğul olan fərdi sahibkarın dövriyyəsi artdıqda ƏDV qeydiyyatına alınmalıdırmı? VergiÇap məhsullarının pərakəndə satışı ilə məşğul olan şəxslər nə zaman gəlir vergisi ödəyicisi olur? VergiAlternativ enerjinin satışı ilə məşğul olan müəssisədə xərclər necə uçota alınmalıdır? VergiKirayə haqqından vergi necə hesablanır?