“Beynəlxalq reytinqlərin yüksəldilməsi, adətən, qiymətli kağızlar bazarına portfel investisiyaları formasında təsir edir”.

Bu fikri bu gün keçirilən mətbuat konfransında Azərbaycan Mərkəzi Bankının baş direktoru Əli Əhmədov səsləndirib. Onun sözlərinə görə, Azərbaycanın kredit reytinqinin yüksəldilməsinin orta və uzunmüddətli dövrdə kapital bazarlarının inkişafına müsbət təsir etməsi gözlənilir: "Bizdə, ümumiyyətlə, maliyyə bazarının inkişafı strategiyası var. Onun tərkibində kapital bazarının inkişafı ilə bağlı ayrıca strategiyamız var. Bu strategiya çərçivəsində müxtəlif tədbirlər nəzərdə tutulur. Onların icrasından sonra reytinqin yüksəldilməsinin orta və uzunmüddətli dövrdə təsirini gözləyirik".

Xatırladaq ki, bu günlərdə “Fitch” Beynəlxalq Kredit Reytinq Agentliyi Azərbaycanın uzunmüddətli xarici valyutada emitent defolt reytinqini (IDR) "BB+" səviyyəsindən "BBB-" səviyyəsinə yüksəldib. Proqnoz isə "Sabit" qiymətləndirilib.