Qazaxıstanın Məngistay vilayətində uzunluğu 64 kilometr olan Kurık və Jetıbay kəndlərini birləşdirən respublika əhəmiyyətli yolun əsaslı təmiri başa çatır.

Qazaxıstan Nəqliyyat Nazirliyinin məlumatına görə, Kurık dəniz limanına gedən Kurık-Jetibay yolu mühüm nəqliyyat dəhlizinə - Trans-Xəzər Beynəlxalq Nəqliyyat Marşrutuna (Orta Dəhliz - red.) çıxışı təmin edir.

Beləliklə, obyektin istifadəyə verilməsindən sonra bütün tranzit axını birbaşa Kurık limanına yönləndiriləcək. Əgər əvvəllər sürücülər Aktauda dayanmalı olurdusa, indi onlar Jetıbay kəndi vasitəsilə dəniz limanına qədər gedə bilərlər.

“Yarım əsr istifadə olunmuş yolun rekonstruksiyaya ehtiyacı var. Demək olar ki, əsaslı təmir işlərini başa çatdırırıq. İstifadə olunan yol tikinti materialları yerli istehsaldır. Obyekt istifadəyə verildikdən sonra ölkəmizin ərazisindən keçən əsas TITR dəhlizinə çatmaq üçün vaxt daha iki saat qısalacaq”, -deyə Nəqliyyat Nazirliyinin rəhbəri Marat Karabayev bildirib.

Əsaslı təmir ötürücülük qabiliyyətini artırmağa imkan verəcək və yol hərəkətinin təhlükəsizliyini təmin edəcək.

AZƏRTAC