Anbar komplekslərinin yaradılması yönündə layihələrin dəstəklənməsi Sahibkarlığın İnkişafı Fondunun (SİF) güzəştli kredit mexanizmi üzrə 2024-cü il üçün müəyyənləşdirilən prioritet istiqamətlərdəndir.

Fondun məlumatına görə, qida və qeyri-qida məhsullarının saxlanılması üçün kiçik, orta və iri həcmli anbarların yaradılmasını nəzərdə tutan layihələr bu prioritet istiqamətə aid edilir. Sahibkarlar belə layihələr üzrə SİF-in güzəştli kreditlərindən yararlana bilərlər.