Milli Məclisin növbədənkənar sessiyasının iyulun 12-də keçirilən iclasında "Azərbaycan Respublikasının 2019-cu il dövlət büdcəsi haqqında" Qanuna dəyişiklik barədə qanun layihəsi üçüncü oxunuşda müzakirəyə çıxarılıb. APA-nın məlumatına görə, qanun layihəsi barədə parlamentin İqtisadi siyasət, sənaye və sahibkarlıq komitəsinin sədri Ziyad Səmədzadə məlumat verib.

Dəyişiklik əsasında 2019-cu ilin dövlət büdcəsində nəzərdə tutulmuş müdafiə xərcləri 3.037.618.152 manatdan 3.187.618.152 manata qaldırılır. Eyni zamanda, 2019-cu il icmal büdcəsinin xərclərinin yuxarı həddinin məbləği 27.155.796,1 min manatdan 27.370.796,1 min manata qaldırılır.

Qanun layihəsi müzakirələrdən sonra səsverməyə çıxarılaraq qəbul edilib.