İqtisadiyyat Nazirliyinin Sahibkarlığın İnkişafı Fondunda (SİF) Asiya İnkişaf Bankının (AİB) nümayəndələri ilə görüş keçirilib.

Fonddan verilən məlumata görə, AİB-in “Dövlət sektorunda idarəçiliyin və səmərəliliyin təkmilləşdirilməsi üzrə texniki dəstək” proqramı çərçivəsində keçirilən görüşdə SİF-in mikro, kiçik və orta sahibkarlığın maliyyələşdirilməsi prosesində iqlim məsələlərinə yanaşması təqdim edilib. Fondun İdarə Heyəti sədrinin müavini Eldar Həmidov bildirib ki, SİF Azərbaycanda fəaliyyət göstərən sahibkarların “yaşıl” layihələrini güzəştli şərtlərlə maliyyələşdirərək mikro, kiçik və orta biznes subyeklərinin bu istiqamətdə fəaliyyətini təşviq edir.

Həmçinin, bizneslərin maliyyələşdirilməsində iqlim məsələlərinin nəzərə alınması və təsirin ölçülməsi istiqamətində AİB-in tövsiyələri diqqətə çatdırılıb, əməkdaşlıq imkanları müzakirə edilib.